Gipadangat sa mga katawhan ug opisyales sa lungsod sa Trinidad ang ilang pagpasalamat ni Bohol Governor Art Yap sa way puas nga suporta ning panahon sa Covid pandemic.

Sa post sa Facebook page Gov. Yap, nagkanayon ang abogado nga gobernador:
“Padayon kitang misuroy sa Trinidad para sa pagpang-apud-apud sa tinuig nga tabang pinansyal sa kagamhanang probinsyal ngadto sa mga kabarangayan.
20 ka mga kapitanes ang midawat sa ilang cheke isip tabang pinansyal sa mga proyekto sa ilang mga barangay nga personal natong gitunol aron makahimamat ug madungog ang ilang mga tingog.
Ang mga nakadawat mao ang Brgy. Soom, La Union, Poblacion, La Victoria, Guinobatan, Tagum Norte, Tagum Sur, Mahagbu, Hinlayagan Ilaud, Sto. Tomas, Catoogan, Manuel Roxas, San Vicente, Kinan-oan, Mabuhay Cabiguhan, Hinlayagan Ilaya, Banlasan, San Isidro, Kauswagan, ug Brgy. Bongbong.
Kauban sa nato sila si Trinidad Mayor Judith Cajes, Vice-Mayor Manuel Garcia, BM Frans Garcia, international pilot Jaja Jumamoy, Rhea Damalerio (OPSWD), former BM Agapito Avenido ug mga opisyales sa barangay.”

You must log in to post a comment.