Mibisita nasab sa lungsod sa Loay si Governor Art Yap para sa pag apud-apud sa tinuig nga tabang pinansyal sa kagamhanang probinsyal ngadto sa mga kabarangayan karong adlawa.
Baynte kwatro (24) ka mga kapitanes ang midawat sa ilang cheke isip tabang pinansyal sa mga proyekto sa ilang mga barangay nga personal gitunol sa gobernador aron makahimamat ug madungog ang ilang mga tingog.
Ang mga nakadawat mao ang barangay Las Salinas Norte, Hinawanan, Tambangan, Villalimpia, Poblacion Ubos, Poblacion Ibabao, Calvario, Agape, Yanangan, Concepcion, Bonbon, Palo, Alegri Norte, Alegria Sur, Sagnap, Tangcasan Sur, Tangcasan Norte, Salinas Sur, Tayong Occidental, Tayong Oriental, Tocdog Dacu, Tocdog Ilaya, Botoc Oriental ug Botoc Occidental.
Gawas sa pinansyal nga assistance, gipaabot usab ni Gob. Art ang mga umaabot nga mga proyekto sa lungsod ug iyang gisiguro nga bisan pa ug importante ang mga anti-covid programs sa probinsya sa pagka-karon, dili mahimong kalimtan ug biyaan ang mga lokal nga proyekto.
Malipayon ang gobernador nga nakabalik siya ug bisita sa Loay diin mao kini usa sa mga lungsod nga buhong sa mga proyekto kaniadtong siya kongresista sa tersero distrito.
Sa ilang bahin, dako ang pasalamat sa mga kapitan sa hilabi na sa Tocdog Dacu ug Botoc Occidental diin si Gov. Yap ang nakapatuman sa pagpatukod ug pag-kumpleto sa ilang mga barangay hall. Dako ilang kalipay nga hangtod karon nga gobernador na si Yap, wala niya hikalimti ang Loay ug padayon ang iyang pag-bubo ug sa mga proyekto.
Kauban sa gobernador sila si Loay Mayor Larry Ayuban, Loay Vice Mayor Rodrigo Cubarol Jr., Board Member Jescelo Adiong ug mga opsiyales sa barangay.
You must log in to post a comment.