Gibansaga’g “Idol” si Gov. Yap ni Pres. Duterte

President Duterte Gibansagan og “idol” si Bohol Gov. Art Yap atol sa usa ka kalihokan sa Dumaguete City sa Marso 11, 2021.

Mao kini ang nahimong lintunganay sa pag-imbita sa Malacañang ni Gov. Yap didto sa Negros Oriental diin giabrihan ang bag-ong Dumaguete City Airport ug Port Operations Building ning semanaha.

Sa pagsugod sa pakigpulong ni Pres. Duterte, usa ka abogado nga produkto sa San Beda College of Law, iyang gitimbaya ang mga dinapit nga bisita (VIPs).

Iya usab nga gipaila ang tulo ka top performer nga Cabinet Secretaries nga sila si Sec. Tugade sa DOTr, Sec. Villar sa DPWH, ug Sec. Bello sa DOLE.

Sa dihang gilibkas ni Duterte ang pangalan sa Gobernador sa Bohol, usa usab ka abogado nga produkto sa Ateneo de Manila College of Law, gipangita sa Presidente asa naglingkod si Gov. Yap.

Misenyas si Senator Bong Go nga si Gov. Yap naa nagpalikod sa atubangan sa entablado.

Dayon nagkanayon si Pres. Duterte ngadto ni Gov. Yap, “Idol.” (kindly watch the uploaded video here)

Ang Presidente sa Pilipinas saksi sa kakugihan ug kabuotan sa gobernador sa Bohol, ug sa mga paningkamot ni Gov. Yap nga dili mokuyanap ang Covid virus sa Bohol ug paglig-on sa panginabuhian sa lalawigan taliwala sa pandemya.

Nasayod usab ang Presidente sa ka sinsero sa panerbisyo ni Gov. Yap nga hilum lang nagakayod sa adlaw ug gabii.

Mahinumduman nga sa ubang lakaw ni Pres. Duterte sa gawas sa nasod, iya usab nga giuban si Gov. Yap, usa ka ekonomista ug kanhi Cabinet member ni Pres. Gloria Macapagal-Arroyo, kaalyado sa mga Duterte.

Sa laing bahin, si Governor Yap naila sa katawhang Bol-anon sa iyang prinsipyo sa panirbesyo nga “buhat ang pasultion.”

Kini makita sa liboan nga mga proyekto ug programa ni Atty. Yap sukad pa niadtong kongresista siya sa Tresiro Distrito sa lalawigan sa Bohol. (RR)