Gov. Yap’s Water Desalination Project: Katumanan sa Damgo sa Pamilacan

Bohol Governor Art Yap niluwas sa problema sa katawhan nga panubig sa Pamilacan Island pinaagi sa unang Water Desalination Plant.

Gitapos ni Bohol Gov. Art Yap ang gatosan katuig nga problema sa mainom nga tubig sa katawhan sa isla sa Pamilacan, sakop sa lungsod sa Baclayon, pinaagi sa pagtukod ug Water Desalination Project duha ka adlaw sa wala pa sauloga sa kalibutan ang World Water Day, Marso 22, 2021.

Dili na motabok ug lawod sa mainland Baclayon ang katawhan sa Pamilacan aron makakuha ug tubig mainom karon nga nahatagan na ang katawhan ug water desalination plant.

Dakong kalipay ni Baclayon Mayor Benny Uy, mga opisyales sa barangay ug mga katawhan sa isla nga sa dugay nga panahon nga walay kaugalingong mainom nga tubig, ang mga tawo makatagamtam na gyod sila karon sa gi-turnover nga water desalination plant.

Ubos sa adbokasiya sa gobernador nga “Care for the Weak”, prioridad sa administrasyon ni Gov. Yap ang pagsulbad sa dugay na nga problema sa panubig sa mga ka-islahan sa Bohol.

Dili matukib ang kalipay sa katawhan sa Pamilacan tungod sa proyekto ni Gov. Art Yap.

Ang water desalination project ubos sa adbokasiya sa gobernador nga “Care for the Weak”, para makahatag ug tab-ang nga tubig sa mga panimalay sa mga ka-islahan.

Kauban sa pagturn-over sila si Mayor Benny Uy, Mayor Meriam Sumaylo, BM Ricky Masamayor, BM Aldner Damalerio, Miguel Francisco Caparaz ug Engr. Ryan Padrinas sa NXTLVL, Provincial Engr. Camilo Gasatan, Miss Universe 2020 Rabiya Mateo, 1st Runner-Up Maria Ysabella Ysmael, 3rd Runner-Up Pauline Amelinckx, 4th Runner Up Kimberly Hakenson ug mga lokal nga opisyales sa barangay.

Ang pangandoy sa gatosan na ka katuigan sa mga Bol-anon nga nanimuyo sa isla sa Pamilacan gihatagan ug katumanan sa administrasyon ni Gov. Yap.