Serbisyo sa Kapitolyo Gihatod sa Tugkaran sa Bilar

Gihatod sa tugkaran sa mga lumolupyo sa Subayon, Bilar ang mga serbisyo ug hinabang sa Kapitolyo pinaagi sa HEART Caravan.

Padayon ang pagdala ni Governor Art Yap sa nagkalain laing buhatan ubos sa kagamahanang probinsyal para sa pagpanghatag ug serbisyo sa katawhan sama sa pagpanghatag ug libreng check up, libreng tambal, libreng legal services, libreng tupi, ug tabang pinansyal.

Sa pakigpulong sa Barangay Subayon, Bilar, gidasig sa amahan sa lalawigan sa Bohol ang katawhan nga magmabinantayon aron dili masamok sa insurehensiya.

Karong higayona, gidala sa gobernador ang caravan sa barangay Subayon sa lungsod sa Bilar, Bohol aron makatagamtam atong mga kaigsoonan sa libreng serbisyo nga gipanghatag sa mga ahensya sa gobyerno.

Gawas niini, gitunol usab ni Gob. Yap ang 100 thousand pesos nga tabang pinansyal para sa panubig sa silingang barangay sa Subayan, ang barangay sa Yanaya. Atong mahinumduman, sa programa sa panubig ubos sa kagamhabang probinsyal nga gipangulohan sa gobernador, nag-apud apud ug tag-100 thousand pesos sa tanan barangay sa lalawigan isip ayuda sa ilang nagkalain laing proyekto sa panubig.

Ang lungsod sa Bilar daan ng gibuboan sa mga proyekto ug programa ni Gov. Art Yap isip kanhi Congressman sa Tresiro Distrito.

Kauban sa gobernador sila si Mayor Manuel Jayectin, Dir. Jerome Gonzales (DILG), CPT. Niel Anderson Espinosa (47th IB), PLT John Rey Digao ( COP-Bilar), Kap. Fructuoso Boco, Kag. Rolando Tagadi-ad ug mga opisyales sa barangay.

Uban sa maong kalihokan ang nagkalain-laing ahensiya sa gobyerno, apil na ang mga sakop sa Philippine Army.