Marso 30, 2021: Gidala ni Governor Art Yap didto sa Barangay Mahayag Norte ang mga buhatan sa Kapitolyo aron ipaambit sa mga Catigbianon ang mga serbisyo sa Pangagamhanang Probinsyal.
Gidala ni Gob. Yap ang mga serbisyo gikan sa Office of the Provincial Veterinarian (OPV), Office of the Provincial Agriculturist (OPA), Provincial Youth Development Office (PYDO), ug Education Center.
Adunay libreng gipanghatag nga mga assorted seedlings, libreng tupi, mga tambal ug check-up nga gipangunahan ni PHO Dr. Estrella Lim ug MHO Dr. Edrin Mascariñas.
Gipang-apud-apud usab sa gobernador ang 25,000 pesos nga Provincial Aid Assistance ngadto sa tagsa-tagsang barangay sa Mahayag Norte, Bagtic, Hagbuaya, Alegria, Cang-Iras, Cambailan, Baang, Liboron, Mahayag Sur ug Maitum.
Sa laing hugna sa pagpanghatag, mibisita siya sa Barangay Triple Union diin midawat sa maong cheke ang mga kapitanes ug opisyales sa Mantacida, Poblacion Weste, Poblacion, Causwagan Norte, Ambuan, Rizal, Sinakayanan, Candumayao, Libertad Sur, Haguilanan, Triple Union ug Bongbong.
Sa laing bahin, mismong si Gob. Yap ang mitunol sa mga cash incentives para sa mga Barangay Livestock Aid (BALA) diin nakadawat sila ug 2,400 pesos ug nakadawat tagsa-tagsa ang mga Child Development Workers ug 4,000 pesos.
Kauban niya sa pagpa-ambit sa serbisyo ug mga tabang sila Vice Governor representative Archie Lungay, Congressman Edgar Chatto representative Mer Ebojo, Catigbian Mayor Elizabeth Mandin, San Miguel Mayor Atty. Virgilio Mendez, Provincial Veterinarian Dr. Bing Lapiz, OPSWD Head Carmelita Tecson, Catigbian Deputy PNP Chief Edilberto Calipes, 2LT Charmaine Sancho.
You must log in to post a comment.