Serbisyo ug Ayuda Gihatud ni Gov. Yap sa Inabanga

*Isip amahan sa lalawigan sa Bohol, kalipay ni Gov. Art Yap ang pagpakisandurot sa katawhang Bol-anon sa tanang mga barangay*.

Bisan adlaw sa Sabado padayon ang pagdala ni Governor Art Yap sa nagkalain laing buhatan sa Kapitolyo aron ihatag ang mga serbisyo sa Pangagamhanang Probinsyal ngadto sa katawhang Bolanon.

*Sa bisan asa nga panagtigum, kanunay nagahatag sa mensahe sa paglaum ug pahimangno ang amahan sa lalawigan.*

Abril 10, 2021 gibisita ni Gob. Yap ang Brgy. Sua sa lungsod sa Inabanga para ihatud ang mga serbisyo gikan sa Office of the Provincial Veterinarian (OPV), Office of the Provincial Agriculturist (OPA), Provincial Youth Development Office (PYDO), Office of the Provincial Social Welfare and Development (OPSWD), Medical Outreach Unit (MOU), Education Center ug Bohol Environment Management Office (BEMO), PNP, 47th Infantry Battalion sama sa pagpanghatag ug libreng check up, libreng tambal, libreng legal services, libreng tupi, ug tabang pinansyal ngadto sa mga lumulupyo sa maong barangay ug kasilinganang barangay.

*Serbisyo sa Kapitolyo gihatud sa tugkaran sa katawhan sa Inabanga, apil na niini ang pagapud-apilod sa libreng mga tambal.*

Lain nga gidala ug gihatag sa atong gobernador ang financial subsidy para sa atong mga Day Care Workers diin gipaningkamotan niya nga mahatag kini kanila sa pinaka-unang higayon isip pasalamat sa dako nilang tabang sa pag-amoma sa mga bata hilabi na karong panahon sa pandemya.

*Mga boluntaryo sa barangay nga dugay ng nagserbisyo gipahinungdan ug financial aid ni Gov. Yap sa unang higayon sa sugilanon sa Bohol.*

Nakadawat usab sa tinuig nga tabang pinansyal gikan sa kagamhanang probinsyal nga nagkantidad ug 25 thousand pesos ang mga barangay sa Sua, Banahao, Ma. Rosario, Bahan, Lomboy, Riverside, San Jose, Dagnawan ug Cambitoon. Wala hikalimti sa gobernador ang pagpasalamat sa atong mga kapitan ug mga opisyales sa barangay sa ilang dakong tabang sa pagkigbugno nato sa COVID-19. Gipaambit usab sa gobernador ang importansya sa tubig ug mipasalig nga motabang ug mosuporta sa mga proyekto kabahin niini.

*Gikalipay ni Inabanga Mayor Roygie Jumamoy ang pagbisita sa amahan sa lalawigan sa Inabanga. Makita usab sa hulagway, si Jono Jumamoy, kanhi Mayor sa lungsod.*

Sa laing bahin, nag-apud apud usab si Gob. Yap ug mga food packs para sa mga pamilya sa Barangay Sua.

Kauban sa gobernador sila si Mayor Roygie Jumamoy, Former Mayor Jono Jumamoy, BM Frans Garcia, BM Mimi Boniel Maglasang, Former 2nd District Board Member Jaja Jumamoy, Former 2nd District Board Member Aga Avenido, Sangguniang Bayan Members, Mita Tecson (OPSWD), 2nd LT. Charmaine Sancho (47TH Infantry Battalion), Maribeth Cañete (Day Care Workers-Pres) ug mga opisyales sa kabarangayan.

Share this:

Related