Tiunayng Serbisyo sa Katawhan Gihatod ni Gov. Yap sa Sagbayan

*Nagkadaiyang libreng tambal ang gihatag para sa katawhan atol sa HEART Caravan.*

LIBRENG SERBISYO PARA SA TANAN: Padayon ang pagbisita sa kabaryohan ug pagdala ni Governor Art Yap sa nagkalain laing buhatan sa Kapitolyo aron ihatag kanila ang mga serbisyo sa Pangagamhanang Probinsyal atol sa gipahigayon nga HEART CARAVAN lungsod sa Sagbayan, Abril 15, 2021.

*Nakaangkon ug libreng medical check-up ang mga lumolupyo sa Sagbayan.*

Mibisita si Gob. Yap sa Brgy. Sta. Catalina sa maong lungsod para ipaambit ang mga serbisyo gikan sa Office of the Provincial Veterinarian (OPV), Office of the Provincial Agriculturist (OPA), Provincial Youth Development Office (PYDO), Office of the Provincial Social Welfare and Development (OPSWD), Medical Outreach Unit (MOU), Education Center ug Bohol Environment Management Office (BEMO), PNP, 47th Infantry Battalion sama sa pagpanghatag ug libreng check up, libreng tambal, libreng legal services, libreng tupi, ug tabang pinansyal.

*Mga opisyales sa barangay gitunolan sa hinabang aron dili na sila mahago ug byahe paingon sa Kapitolyo.*

Gidala ug gitunol usab ni Gob. Yap ang chekeng nagkantidad ug 25 thousand pesos ngadto sa 24 ka kapitanes sa Sagbayan isip tabang pinansyal gikan sa Kagamhanang Probinsyal samtang ang OPSWD mitunol sa honorarium sa tanang Day Care Workers ug ang OPV miturnover sa honorarium, ID ug gamit para sa mga Barangay Livestock Aide (BALA). Aduna poy 8 kilos nga bugas nga gidala ang gobernador para sa tanang mga pamilya sa maong lungsod nga wala nakadawat niini kaniadto.

*We Survive as One – kini ang pangandoy sa amahan sa lalawigan sa Bohol.*

Sa laing bahin, gi-anunsyo ni Gob. Yap nga anaa na sa bidding stage ang 3 million pesos worth nga equipment para sa Sta. Catalina slaughterhouse nga makatabang niini para mahimong level two. Gisugyot usab sa gobernador nga andam ang kagamhanang probinsyal nga ihatag kanila ang usa sa refrigeration storage nga gihatag ni DOTr Secretary Arthur Tugade kagahapong adlawa.

*Nakadawat ug finacial aid ang mga volunteer workers sa kabarangayan nga sukad karon pa nila matagamtami*.

Mitambong sa maong kalihokan sila si Mayor Restituto Suarez Jr., BM Frans Garcia, San Miguel Mayor Mendez, Former 2nd District Board Member Aga Avenido, SB Member Rondino Tabacan, Sagbayan ABC President Betchy Jumamoy, PEMS Jeffrey Agir, 47th IB 2nd LT Charmaine Sancho, Day Care Workers President Irish Selma, BALA President Junvic Ando, DILG MLGOO Glenda Laude ug mga opsiyales sa mga kabarangayan.

Share this:

Related