Bohol Gideklarar nga “Most Competitive Province” sa Region 7

Gi-deklara ang lalawigang Bol-anon isip “Most Competitive” nga probinsya sa Central Visayas diin niaging tuig naa sa ika-25 lang kini apan karong tuiga, nakab-ot ang ika-20 nga ranggo nga adunay 81 ka probinsya sa tibuok nasud sa Pilipinas.

Sumala sa DTI, gipasidunggan ang Bohol tungod sa pagkamaabtikon sa ekonomikonhong aspeto. Nakita sa ahensya ang liderato sa Kagamhanang Probinsyal diin nakamugna ug mga programa nga nakahatag ug dugang kusog sa pagpalig-on sa ekonomiya taliwala sa pandemya. Ang programa nga “WE SURVIVE AS ONE” sa Bohol ang nagpakunhod sa epekto sa pandemiya sa kinabuhi sa atong katawhan. Gisulayan sa programa nga mapagaan ang gipas-an sa atong mga kaigsuonan pinaagi sa paghatag ug mga tabang sa ilang panginabuhian apil ang mga inisyatibo diin nakamugna ug dugang kapasidad sa katawhan. Apil nga gitukod ang mga microfinances ug mga pasilidad diin makasuporta sa sektor sa turismo nga adunay dakong papel sa ekonomiya sa Bohol.

Ang pagkamaabtikon sa ekonomikonhong aspeto usa sa mga rason ang mga Bol-anon maisugon nga mibarug bisan luyo sa pandemya. Ang Bohol usa sa mga probinsya nga unang nag-abli sa ekonomiya diin gisugdan kini sa malampusong Philippine Travel Exchange niaging tuig.

Tungod kay naglisod ang mga BLGUs ug MLGUs, gitagaan kini ug maabtikong pagtagad pinaagi sa pagpaabot ug mga tabang pinansyal gikan sa Kagamhanang Probinsyal. Ang pinansyal nga tabang usa sa mga nagmugnag dugang nga kapasidad sa kada-LGU para maka-sustenar kontra COVID-19 ug pagsiguro sa katawhan nga adunay pagkaon sa ilang mga lamesa samtang nakigbatok sa dakong krisis nga atong giatubang.

Makita ang pagpaabot ug tabang sa Kagamhanang Probinsyal ngadto sa tanang Bol-anon pinaagi sa libreng bugas ug uban pang pagkaon. Nakadawat ug subsidiya ang tanang Barangay Health Workers, Barangay Livestock Aides, Day Care Workers, apil ang mga Barangay Tanods. Unya tungod kay ang tubig mao man ang tinubdan sa kinabuhi, gi-solbad usab ang problema sa panubig sa mga ISLA nga mga barangays pinaagi sa mga Water Desalination Projects.

Nagpadayon ang mga programa sa inprastraktura sa Kagamhanang Probinsyal. Gipadayon ang pag-ayo sa mga kadalanan, mga taytayan ug uban pang mga infrastratura.. Ang pagtukod ug mga eskwelahan naghatag ug kahigayonan para mahatagan ug de kalidad nga edukasyo tanang tinun-ang Bol-anon.

Agresibo usab ang pag-ayo sade kalidad usab nga serbisyo sa panglawas sa katawhan labi na nga naa kita sa pandemya. Gipahalapad usab ang atong kapasidad TO TEST, sa pag-contact trace ug kapasidad sa pagpa-ayo sa mga nagpositibo sa COVID-19. Gihimo kini nga prayoridad gobyerno sa lalawigan kay “mag unsa man ang ugma ug wala na ta karon.

Sa sumada, nakalahutay nga madasigon ang Bohol. Nag malampuson ang Bohol sa pag labang sa “nagyo” tungod sa pandemya. Ang Bohol nagpadayon ngadto sa direksyon sa kalamboan ug kaugmaran ubos sa NEW NORMAL.