BALILIHAN, Bohol – Governor Atty. Arthur C. Yap nanguna sa pag-turn over sa 17 ka milyon ka pesos nga cheke para sa Convergence in Coconut Farming Communities Towards Sustainable Rural Project ngadto sa lungsod sa Balilihan kagahapong adlawa.
Nakadawat ang atong mga coconut farmers ug 17 ka milyon ka pesos nga cheke gikan sa Philipine Coconut Authority para sa pagpatukod ug Virgin Coconut Oil nga processing center ug pagpalit sa mga ekipo para matabangan ang atong mga mag-uuma ug para sa dugang nila nga kita. Ang maong suporta gikan sa PCA bunga sa pagpaningkamot sa atong lokal nga mga opisyal nga gipangulohan sa atong gobernador. Gawas niini, ang kagamhanang probinsyal, migahin usab ug 15 ka milyon ka pesos isip abag sa maong proyekto.
Sa laing bahin, gi-apud apud ni Gob. Yap sa maong lungsod ang honorarium sa mga BNS sa Balilihan, Loboc, Maribojoc, Loay, Sikatuna, Lila ug Corella. Nakadawat usab ug 300 thousand pesos matag usa ang barangay Del Carmen Norte ug Del Carmen Este isip tabang gikan sa kagamhanang probinsyal ngadto sa ilang mga proyekto sa barangay. Ang Brgy. Candasig nakadawat usab ug 100 thousand pesos nga tabang pinansyal para sa ilang mga proyekto ug duka ka benepisyaryo ang nakadawat ug titulo sa ilang yuta. 32 ka mga BALA usab ang nakadawat sa ilang honorarium ug incubator ug pondliner isip pasalamat sa ilang walay puas nga pagserbisyo bisan pa sa panahon nga boluntaryo lamang.
Mitambong usab sa maong kalihokan sila si 1st District Congressman Edgar Chatto, Balilihan Mayor Pureza Chatto, BM Aldner Damalerio, PCA Bohol Manager Emiliano Romero, Dr. Larry Pamugas sa OPA, BNS President Leonida Gamao, BALA President Leonardo Maceren, Christopher Racho (MPDC), ug mga SB Members.
You must log in to post a comment.