Edepisyo sa PNP-CIDG Tukoron sa Cortes, Bohol

Mitambong si Governor Atty. Art Yap karong adlawa sa Signing of Memorandum of Understanding (MOU) and Conferment of Order kauban si CIDG National Director Police Major General Albert Ignatius Ferro didto sa Ceremonial Hall sa Kapitolyo.

Langkob sa maong memorandum ang pagdonar sa Kagamhanang Probinsyal ug luna didto sa Barangay Malayo Norte, Cortes diin didto itukod ang opisina sa PNP-CIDG nga maoy mahimong sukaranan sa tanang operasyon diri sa Bohol.

Sa iyang mensahe, mapasalamaton si Gob. Yap sa pagdawat sa maong kasabutan diin dako ug tabang sa probinsya hilabi na nga anaa kita sa pandemya. Dugang niya, kihanglan gyud ug pagtinabangay ug panaghiusa para kita maluwas sa panahon sa pandemya.

Gipirmahan usab niya ang Executive Order 27 diin nagdeklarar ni PMAJ GEN. Albert Ignatius D. Ferro isip “Adopted Son of Bohol” atol sa mapasigarbohong kontribusyon niya ug serbisyo sa pagsugpo sa krimen ug pagpalangtod sa kahapsay ug kalinaw sa lalawigang Bol-anon.

Kauban nga mitambong sila Vice Gov. Rene Relampagos, PCOL. Ireneo Dalogdog (Regional Chief, CIDG RFU 7), PLTCOL. Saturnino Estigoy (Provincial Chief, CIDG Bohol PFU), Atty. Edgar Chatto (1st District Congressman), Atty. Kathyrin Pioquinto (Provincial Administrator), PLTCOL. Larry Buansi (Deputy PD for Admin), PLTCOL. Arvin Loay (Chief, Provincial Internal Affairs Section), PMAJ. Hernan Legazpi (Force Commander, PMFC), PLT. Antonio Agocoy Jr. (Deputy Chief for Operations, PCAPT. Lamberto Hibaya (Deputy Chief for Invest), PEMS. Francis Briones (Chief Clerk, PCR), PCOL. Mary Crystal Peralta, (COP, Tagbilaran City), Board Members Ricky Masamayor, Aldner Damalerio, Frans Garcia, Jone Jade Bautista, Elpedio Bonita, Jescelo Adiong (Philippine Councilors League – Bohol President), Romulo Cepedoza (President, Provincial Liga ng mga Barangay), Christian Bolos III (SK Federation President – Bohol Chapter), Miriam Sumaylo (LMP President, Dauis Mayor), Allen Ray Piezas (Clarin Vice Mayor), Anthony Damalerio (Head, PDRRMO), Dr. Yul Lopez (OIC, Provincial Health Office), Liza Quirog (PTF-ELCAC Head), Atty. John Titus Vistal (Head, PPDO).