Bisita ni Gov. Yap sa Clarin, Bohol Gihangop sa Katawhang Bol-anon

Matag barangay sa Clarin, Bohol adunay gigahin nga P100,000 para sa panubig gikan ni Gov. Art Yap.

Mibisita si Governor Art Yap sa Brgy. Bontud ug Candajec sa Lungsod sa Clarin, Bohol ug gitunol ang ilang tagsa tagsa nga 100 thousand pesos nga tabang pinansyal gikan sa kagamhanang probinsyal isip tabang sa ilang mga proyekto sa barangay.

Gawas niini, dakong kalipay sa gobernador nga iyang nahimamat ang ilang mga Day Care Workers diin iyang gitunol ang ilang honorarium para sa ilang walay puas nga pagserbisyo sa lalawigan sa Bohol.

Kauban ni Gov. Yap sa pagbisita si kanhi bokal sa segundo distrito Jaja Jumamoy nga gikalipay usab sa mga opisyales sa barangay.

Nihatag usab mensahe si Clarin Vice Mayor Allen Ray Piezas.