Katawhan sa Balilihan Gihatdan sa mga Serbisyo ug Proyekto sa Kapitolyo

Serbisyo sa panglawas ug ubang programa hinabang sa Kapitolyo gihatod sa lungsod sa Balilihan, Bohol.
Tingog sa katawhan sa Balilihan, Bohol nag-asoy sa gugma sa amahan sa lalawigan, Atty. Art Yap.

HEART CARAVAN SA HANOPOL NORTE, BALILIHAN

Gidala ni Governor Art Yap ang nagkalain laing serbisyo gikan sa mga buhatan sa kagamhanang probinsyal ug nagkalain-laing ahensya sa gobyerno sama sa libreng tambal, libreng binhi, libreng check-up, libreng tupi, ug uban pa ngadto sa mga katawhan sa Brgy. Hanopol Norte, Balilihan karong adlawa, Mayo 20, 2021.

Gawas sa mga serbisyo, aduna usab mga school supplies nga gipanghatag para sa mga estudyante sa Hanopol Elementary, Boyog Elementary ug sa Cogon Tagustuan Elementary.

Aduna usab kitay mga kaigsoonan nga nakadawat ug mga titulo gikan sa Register of Deeds, mga mag-uuma nga nakadawat ug insurance gikan sa PCIC para sa ilang mga hayop ng a na-apektahan sa pandemya ug mga food packs para sa mga bata sa day care sa barangay Hanopol.

Sa laing bahin, mapasalamaton usab kang Gob. Yap ang kapitan sa Boyog Norte diin gitunol na ang ilang 250 thousand pesos nga tabang pinansyal gikan sa kagamhanang probinsyal para sa gravelling sa ilang barangay road.

Dugang pa, giturn-over nasad ang H.E Building sa Hanopol Elementary School ug Two Classroom Building sa Hanopol High School.

Mitambong sa maong kalihokan sila si Cong. Edgar Chatto, Balilihan Mayor Pureza Chatto, BM Ricky Masamayor, BM Aldner Damalerio, Atty. Trisha Chatto, DEPED Superintendent Dr. Bianito Dagatan, Schools District Superintendent Sarah Mortejo, CPT. Niel Anderson Espinosa, PLT Yolando Bagotchay, mga opisyales sa barangay ug mga opisyales sa eskwelahan.