Katawhan sa Clarin, Bohol Gihatdan sa mga Serbisyo sa Kapitolyo

Nalipay ang mga kabus natong kaigsuonang Bol-anon nga ang Kapitolyo mihupay sa ilang kalisod sa kinabuhi.
HEART Caravan sa lungsod sa Clarin, Bohol tubag sa panginahanglanon sa katawhan ning panahon sa pandemya.

Gidala ni Governor Atty. Art Yap ang nagkalain-laing serbisyo gikan sa mga buhatan sa kagamhanang probinsyal ug nagkalain-laing ahensya sa gobyerno sama sa libreng tambal, libreng binhi, libreng check-up, libreng tupi, ug uban pa ngadto sa katawhan sa Brgy. Bogtongbod, Clarin (Mayo 19, 2021).

Gawas sa mga serbisyo, gi-anunsyo usab sa gobernador ang umaabot nga 15 ka milyon ka pesos nga proyekto sa kalsada sa Brgy. Bogtongbod nga pagasugdan sa tuig 2021.

Padayon ang pagpanghatag sa mga libreng serbisyo bisan pa sa gi atubang nga pandemya aron makatabang sa mga katawhan hilabi na ang mga naglisud ug anaa sa mga ngilit nga dapit.

Kauban sa Gobernador sila si Mayor Eugene Ibarra, Vice Mayor Allen Iezas, BM Frans Garcia-Devenosa, BM Mimi Boniel Maglasang, Former BM Aga Avenido, Former BM Jaja Jumamoy, San Miguel Mayor Virgilio Mendez, PCOL. Osmundo Salibo, PLT Eleazar Mellomeda, 47TH IB 2nd LT Charmain Sancho, Provincial Engineer Camilo Gasatan, OIC Provincial Agriculurist Larry Pamugas, Bogtongbod Brgy. Captain Paulino Amodia ug mga opisyales sa barangay.