Gov. Yap Miinspeksyon sa P30-M Road Project sa Carmen, Bohol

Ang amahan sa lalawigan, Atty. Art Yap, nakatugkan sa mga suliran ug panginahanglan sa kabaryohan sa Bohol tungod sa kanunay niyang pagbisita sa tanang suok sa probinsya ug paghimamat sa katawhang Bol-anon.

Mi-inspeksyon si Governor Art Yap sa Poblacion Carmen – Guadalupe – Vallehermoso road project karong adlawa, June 2, 2021.

Ang maong kalsada proyekto sa CMGP (conditional matching grant to provinces) nga nagkantidad ug 30 milyones ka pesos nga maka semento sa gitas-on nga 1,525 meters/ 1.525 km ug karon kasamtangang anaa na sa 70 % ang natrabaho.

Gikalipay sa mga lumolupyo didtong dapita bisan dili pa mahurot ug ka semento ang kinatibuk-an tungod kay kini aduna may gitas-on nga 6.711 kms apan ilang nakita ug nabati nga aduna nay mibidlisiw nga katumanan sa ilang mga damgo ug gipangandoy ubos sa pamunoan ni Gob. Art Yap ug Bise-Gobernador Rene Relampagos ug mga opisyales sa Pangagamhanang Probinsyal.

Gikalipay kanunay sa mga opisyales sa mga brgy sa Bohol ang pagbisita sa amahan sa lalawigan.